Карлос Алкараз и Јаник Синер одиграа фантастичен натпревар во четвртфиналето на УС Опен.

Двете млади ѕвезди на светскиот тенис им приредија неверојатно задоволство на љубителите на тенисот, а по пет часа и 15 минути игра и голем пресврт победи Алкараз со 6:3, 6:7 (7), 6:7 (0), 7 :5, 6:3.

За малку не e soboren рекордот на Опен Ераta за најдолг натпревар на УС Опен.

Стефан Едберг и Мајкл Ченг во 1992 година играа во полуфиналето пет часа и 26 минути, овој нереален дуел траеше само 11 минути помалку.

Шпанецот и Италијанецот играа до 02:52 часот по локално време во Њујорк, ова несомнено беше меч на годината.

Она што го видовме во таа неверојатна пресметка меѓу двајцата тинејџери е тешко да се опише, но буквално се што го прави тенисот толку возбудлив покажаа Јаник и Карлос.

Штета што еден од двајцата мораше да го заврши настапот, а неизвесноста беше таква што до крајот не се знаеше кој ќе излезе како победник.

https://twitter.com/usopen/status/1567767906448207876?ref_src=twsrc%5Etfw%7Ctwcamp%5Etweetembed%7Ctwterm%5E1567767906448207876%7Ctwgr%5Ee614a3889247a32e2d721c007f1b7fa9bca013f3%7Ctwcon%5Es1_c10&ref_url=https%3A%2F%2Fwww.b92.net%2Fsport%2Fusopen2022%2Fvesti.php%3Fnav_id%3D2209989
Тенискиот спектакл на „Артур Еш“ започна со брејк кој го направи Алкараз, но Синер брзо возврати за 2:2.

На крајот од сетот Алкараз повторно се засили, уште два пати го одзеде сервисот на Синер и поведе со 6:3.

Синер успеа да ја среди својата игра и прв направи брејк во вториот сет, за 2:1, водеше 5:3, но Алкараз се врати на 5:5.

На 6:5, Шпанецот имаше четири сет топки на сервис на противникот, но не ги искористи.

Синер го доби тај-брејкот со 9:7 и израмни во сетови.

Во третиот сет Алкараз му го одзеде сервисот на Италијанецот во петтиот гем за 3:2, но упорниот Јаник успеа да се врати на 4:4.

Веќе беше јасно дека ќе имаме трилер, бидејќи Алкараз направи брејк за 6:5, за Синер веднаш да возврати со ри-брејк и стигнавме до нов тај-брејк.

Алкараз ја загуби концентрацијата, Синер го доби убедливо со 7:0 и се чинеше дека Италијанецот е поблиску до победа.

https://twitter.com/usopen/status/1567767374534791170?ref_src=twsrc%5Etfw%7Ctwcamp%5Etweetembed%7Ctwterm%5E1567767374534791170%7Ctwgr%5Ee614a3889247a32e2d721c007f1b7fa9bca013f3%7Ctwcon%5Es1_c10&ref_url=https%3A%2F%2Fwww.b92.net%2Fsport%2Fusopen2022%2Fvesti.php%3Fnav_id%3D2209989
Но, тогаш дојде до нереален пресврт. Иако Синер водеше со 2:0 и 3:1, борбениот тенисер од Мурсија возврати за 3:3, за Синер веднаш да го врати брејкот и да поведе со 4:3.

Не можеше без драма, по 5:3 за Синер го видовме клучниот момент.

На 5:4 Синер сервираше за победа,  спаси брејк топка , а потоа стигна и до меч топка !

Алкараз успеа да се извлече, да го врати брејкот, па да ги добие следните два гема и да стигне до 2:2 во сетови со 7:5.

Иако играа повеќе од четири часа на почетокот на одлучувачкиот сет, се чинеше дека само што почнуваат.

Трчаа како да ја играат последниот поен ово својот живот и на публиката и подарија уште еден фантастичен сет.

Разменија брејкови во петтиот и шестиот гем, а при 3:3 следеше суперфиниш на Алкараз кој му донесе 6:3 и голема победа.

Во полуфиналето ќе игра против Френсис Тиафо, кој го совлада Андреј Рубљев со 7:6 (3), 7:6 (0), 6:4.

https://twitter.com/usopen/status/1567770806238982144?ref_src=twsrc%5Etfw%7Ctwcamp%5Etweetembed%7Ctwterm%5E1567770806238982144%7Ctwgr%5Ee614a3889247a32e2d721c007f1b7fa9bca013f3%7Ctwcon%5Es1_c10&ref_url=https%3A%2F%2Fwww.b92.net%2Fsport%2Fusopen2022%2Fvesti.php%3Fnav_id%3D2209989