Фудбалерите на Бугарија ќе жалат за пропуштената шанса за прв триумф во квалификациите за ЕП 2024, откако вечерва ремизираа во дуелот на домашен терен против фаворитот Србија (1-1) и тоа со гол примен буквално во последните секунди од натпреварот.

  • Бугарија – Србија 1-1:
https://youtu.be/eudiP0qKhyQ

Во рамките од групата Г се одигра уште еден натпревар, на кој Унгарија со голoвите на Варга славеше очеувана победа од 2-0 над Литванија и го презеде врвот на табелата со седум бода, колку што има и Србија.

  • Унгарија – Литванија 2-0:
https://youtu.be/QmVJUwtgdU8
Бугарија поведе преку Десподов на самиот старт од второто полувреме и се до самиот крај ги имаше трите бода на контото, но ги испушти во последната минута од судиското продолжение. Херој во српската селекција беше резервистот Дарко Лазовиќ, кој влезе во игра во 71. минута, и ги спаси соиграчите со погодок во 97. минута. Србите со ова се изедначија со Унгарија на врвот од табелата во групата Г со по седум бодови од три средби, додека Бугарите имаат два бода од четири натпревари.

Кристијано Роналдо, пак, кој знае по кој пат беше херојот на Португал, овој пат со голот во 89. минута со кој ѝ донесе триумф на својата селекција на гостувањето кај Исланд (1-0). За него ова беше посебен натпревар, со оглед што дојде до бројката од 200 настапи за португалската репрезентација, со што е далеку најдобар во оваа категорија и поради што влезе во Гинисовата книга на рекорди.

Своја вечер имаше и Ерлинг Халанд, кој со два погодока ја предводеше Норвешка до триумф во дуелот на домашен терен против Кипар (3-1).

РЕЗУЛТАТИ: Австрија-Чешка 2-0, БиХ-Луксембург 0-2, Бугарија-Србија 1-1, Естонија-Бугарија 0-3, Ф. Острови-Албанија 1-3, Исланд-Португалија 0-1, Лихтенштајн-Словачка 0-1, Унгарија-Литванија 2-0, Молдавија-Полска 3-2, Норвешка-Кипар 3-1.