Шпанското тениско чудо Карлос Алкараз го здроби Русинот Медведев и се пласира во финалето на Вимблдон, откако со 3-0 во сетови, односно 6-3, 6-3 и 6-3 го совлада својот противник.

Двајцата тенисери беа сигурни на своите сервиси до осмиот гем, кога Алкараз направи брејк и го освои сетот со 6-3. Шпанецот продолжи со одличната игра и во вториот сет, каде што направи брејк во третиот и деветтиот гем и стигна до 6-3.

Медведев не се предаваше, иако лошо го почна последниот сет и имаше негатива од 0-3, па набрзо намали на 3-4. Сепак, Алкараз направи уште еден брејк на сервис на Русинот и потоа сервираше за 6-3.

Алкараз ќе игра во финале против Новак Ѓоковиќ, кој претходно беше подобар од Јаник Синер со 3-0 во сетови.