Најдобриот македонски тенисер Калин Ивановски, не успеа да се пласира во финале на АТП-турнирот во француски Поатје, откако загуби во два сета од домашниот тенисер Саша Гемард Вајенбург.

Французинот славеше со 6-2, 7-6 после долг тајбрејк кој го доби со 10-8 за победа во дуелот и го спречи Ивановски да дојде до финале на овој турнир на тврда подлога.

Ивановски пред овој турнир застана до четвртфинале во Кретеј (Франција), а играше финале во Монастир (Тунис), кое го предаде, а на истиот турнир во Тунис имаше загубено едно полуфинале и финале.