Шкупи доживеа елиминација од Левски во второто квалификациско коло од Конференциската лига. Поразот на Шкупи на домашен терен во Скопје (0-2) веројатно беше пресуден за елиминацијата, иако Левски на крајот победи и во Софија со 1-0, со голот на Марин Петков длабоко во судиското продолжение од натпреварот.

Во многу тензична атмосфера, со навредливи транспаренти и скандирања во текот на дуелот, Левски ја задржа предноста од првиот натпревар во Скопје,но триумфираше и по вторпат.

Во финишот, Шкупи имаше шанси за победа преку Реналдо Цефас, но голманот на Левски, Пламен Андреев двапати одлично одбрани.

На спротивната страна, Марин Петков успеа да погоди за триумф во 101.минута од продолжението на натпреварот.