Ал Наср имаше блед старт во новата првенствена сезона во Саудиска Арабија, но конечно одигра одлично, а главен егзекутор беше Кристијано Роналдо.

Португалецот имаше хет-трик во победата на неговиот тим на гости кај Ал Фатех со 5-0. Другите два гола беа дело на Сенегалецот Садио Мане, а при едниот извонредно му асистираше Португалецот, колку да покажат дека можат двајцата да функционираат на теренот. По поразите од Ал Етифак и Ал Тавон, ова се први три бода за Ал Наср во новата сезона.

Кристијано Роналдо и Садио Мане се одличен тандем и веќе почнаа тоа да го демонстрираат во дресот на Ал-Наср.

Во 27.минута, Роналдо му асистираше на Мане за водство, а десет минути потоа Португалецот погоди за 0-2.

Роналдо беше стрелец на третиот гол, потоа повторно стрелаше Мане, а на крајот Роналдо стави точка со хет-трик.