Џирона одлично го отвори дербито против Реал Мадрид и пропушти голема шанса да поведе во раната фаза, по што следеше аклиматизација од страна на гостите, која резултираше и со гол за предност од 0:1.

Хоселу Мато погоди за водство на „кралевите“ кај лидерот во Ла Лига, но потегот на мечот беше дело на Џуд Белингам кој го изведе генијално во стилот на својот далеку поискусен колега.
https://twitter.com/i/status/1708226017297326586

Лука Модриќ го специјализираше „тривела“ додавањето и прерасна во вистински мајстор за оваа фудбалска техника, но очигледно истата веќе ја научил суперталентираниот англиски фудбалер.

Џуд на величествен начин го проигра Хоселу и му овозможи да се запише во листата на стрелците, а до крајот на дуелот го постигна и последниот гол за конечни 0:3.

– Се чувствувам многу добро, имам слобода во движењето и уживам во фудбалот. Секогаш кога го облекувам дресот на Реал Мадрид, се обидувам да го дадам најдоброто од себе.

– Асистенцијата? Веќе со месеци наназад го гледам Лука Модриќ секој ден на тренинзите. Се обидов да бидам креативен и ми успеа. Тоа ни го донесе потребниот мир и не ослободи од притисокот кој го имавме на стартот, – изјави Белингам.