Кошаркарите на Минесота му го нанесоа првиот пораз на шампионот Денвер во новата сезона од НБА лигата. Синоќа Тимбервулфс славеше со 110:89 предводени од извонредните Ентони Едвардс со 24 поени и Карл-Ентони Таунс со 21 поен и осум скока. Во тимот на актуелниот шампион најефикасен беше српскиот центар Никола Јокиќ со 25 поени, 10 скока и три асистенции.
Екипата на Торонто го победи Милвоки со 130:111 и ја прекина серијата од три порази. Паскал Сиакам со 26 поени, седум асистенции и шест скока и Денис Шрудер со 24 поени и 11 асистенции беа предводници на Канаѓаните до посакуваниот триумф над еден од фаворитите за борбата за шампионската титула оваа сезона. Малик Бисли со 20 поени и  Јанис Адетукумбо со 16 поени беа најдобри кај гостите.

Победничката низа ја продолжија Далас и Бостон. Тексашаните предводени од Словенецот Лука Дончиќ дојдоа и до четвртата сезонска победа и се единствениот непоразен тим на Западот. Дончиќ натпреварот го заврши со 18 поени и 10 скока.

Бостон ја победи Индијана со 155:104 предводен од Џејсон Тејтум кој имаше 30 поени и 12 скока. За Селтикс ова беше исто така четврта победа во низа која го направи единствениот тим на Истокот кој се уште е непоразен.

РЕЗУЛТАТИ:

Голден Стејт – Сакраменто 102:101

Детроит – Портланд 101:110

Торонто – Милвоки 130:111

Атланта – Вашингтон 130:121

Бостон – Индијана 155:104

Мајами – Бруклин 105:109

Њујорк – Кливленд 89:95

Оклахома – Њу Орлеанс 106:110

Хјустон – Шарлот 128:119

Минесота – Денвер 110:89

Далас – Чикаго 114:105

Јута – Мемфис 133:109

Ла Лејкерс – ЛА Клиперс 130:125 (прод.)