Македонските ракометни надежи продолжија со одличните резултати и после освоеното деветто место на Светското првенство У-18 во Хрватска. Младинците се насочени кон следниот голем предизвик, Европското првенство идното лето, и уште сега триумфално ја отворија мисијата со пријателската турнеја во Турција.

Во првиот од двата планирани дуели, избраниците на селекторот Раде Стојановиќ ги прегазија врсниците од Турција со 34-19. Разликата во квалитет беше видлива уште во првиот дел, кој заврши со 18-11 за Македонија.

Петковски беше најдобар стрелец со шест голови, по четири гола дадоа браќата Узунчеви и Тотиќ.