Челси се изнамачи за да победи на гостувањето кај Тотенхем иако долго играше со двајца фудбалери повеќе од домаќинот кој до овој меч не знаеше за пораз. Натпреварот заврши 4-1 за гостите, но резултатот не е права слика за тежината на триумфот.
Тотенхем имаше идеален почеток на натпреварот, со гол на Кулушевски поведе со 1-0 уште во шестата минута од дуелот.
Мечот беше конфузен, полн со тензија, а ВАР интервенираше можеби и најмногу на еден меч од Премиерлигата. Продолжение на првото полувреме имаше 12 минути, а на второто девет.
Во 35. минута Палмер погоди од пенал за израмнување на 1-1. Прекршокот го направи Ромеро кој доби директен црвен картон.
По десет минути игра во второто полувреме Тотенхем остана со девет фудбалери откако Удоги доби втор жолт картон.
Челси се мачеше да дојде до водство иако имаше двајца играчи повеќе. Конечно успеа да погоди Џексон во 75. минута за водство од 2-1.
Во 94. минута Сон влезе во идеална шанса за израмнување, не погоди, а во контра напад Џексон даде уште еден гол за 3-1, a некоја минута подоцна даде уште еден гол за хет-трик и конечна победа од 4-1.
