Ова им овозможи на домашните фудбалери експресно да се вратат со пеколен финиш во првото полувреме, па преку Мохамед Елјонузи во 45. минута и Диого Гонкалвес во деветтата минута од судиското надополнување, израмнија на 2-2. Јунајтед одново поведе со гол од пенал на Бруно Фернандеш во 69. минута, но данскиот клуб се врати со голот на Лукас Лерагер во 83. минута. Победата им ја донесе 17-годишниот Руни Бардгхји, кој со полуволеј ја погоди мрежата на Онана за конечни 4-3. Бардгхји е најголемиот талент на Копенхаген и еден од најдобрите млади играчи во Европа.