Милан е во криза, а денеска иако имаше два гола предност на гости против Лече, на крајот можеше и да загуби. Сепак, ВАР донесе одлука дека третиот гол за Лече не е признат поради претходен прекршок, па мечот заврши нерешено, 2-2.

Жиру и Рејндерс донесоа 0-2 за Милан на полувремето.

Сепак, Лече не се предаде. Сансоне во 66.минута намали, а Банда во 70.минута успеа да израмни.

Милан на крајот може да биде среќен што не го загуби мечот откако на домаќините им беше поништен гол за победа.

Мечот не почна најдобро за Милан, по само десет минути игра Леао поради повреда мораше да го напушти теренот, на негово место влезе Окафор.

Домаќините атакуваа на сите три бода против шокираниот Милан кој во 93. минута остана без Жиру. Напаѓачот заработи жолт картон, а поради протест веднаш му беше покажан и црвен.

Во следната минута Пиколи постигна фантастичен погодок од далечина за комплетен пресврт и водство на Лече од 3-2, но судијата по преглед на снимката му го поништи погодокот поради фаул врз противнички играч.