Угледниот италијански новинар Фабрицио Романо тврди дека тој веќе се наоѓа на списокот на желби на Севиља и Виљареал кои се заинтересирани да го донесат во своите редови во 2024 година. Димитриевски на фантастичен начин ја почна сезоната во Ла Лига и во моментов е голман со најмногу „чисти мрежи“ во шпанското првенство, заедно со Марк Андре Тер Штеген од Барселона, со 6. Тој е еден од најдобрите голмани во Примера во последните неколку сезони.
За него и лани имаше интерес од неколку врвни шпански клубови, но тој одлучи да остане во Рајо каде е без конкуренција прв голман.
