Македонија треба да е горда бидејќи македонскиот кик-бокс оствари уште еден огромен успех и доби светски шампион.

Македонскиот кикбоксер, Бобан Илиоски, се закити со златниот медал на Светското првенство (СП) во Португалија, откако во денешното финале во категоријата до 86 килограми го победи Нурбек Уришбоев од Узбекистан со убедливи 3-0.

Ова е голем успех на нашиот најдобар кикибоксер во моментов, како логичен след на настаните по европската титула освоена минатата година.

Македонија на годинешниот Мундијал во кикбокс имаше само тројца натпреварувачи, а дома се враќаат со еден медал и тоа златен. На ова првенство учествуваат 1429 натпреварувачи од 77 држави.