Екипата на поранешниот италијански шампион Милан дојде до победа со 1-0 против Фиорентина со што им се врати на победите во Серија А по четири кикса по ред без триумф.

Тео Ернандез беше херојот за „росонерите“, откако во 47. минута од пенал ја погоди  мрежата на Фиорентина и му донесе три бода на Милан.

Милан е трет во Серија А со 26 бодови, односно три помалку од Јувентус и пет бода негатива во однос на лидерот Интер.

Историски момент се случи во 83. минута, бидејќи најмлад играч кој заиграл во Серија А стана 15-годишниот напаѓач Франческо Камарда.

Во недостиг на други опции, ова младо момче од Примавера доби повик во првиот тим. Камарда доби овации при влегувањето на терен и десетина минути за настап, а со 15 години, осум месеци и 15 дена влезе во историските книги.