Крајот на бразилската фудбалска лига значеше и крај на етапата која ја имаше Луис Суарез во Гремио, бидејќи напаѓачот сепак реши да се одјави на „Маракана“ со победа од 2:3.
На последниот меч кој го одигра пред неколку дена кога се збогуваше на домашен терен, Суарез и покрај проблемите со коленото се појави на теренот и против Флуминенсе, и практично го реши победникот.
„Ел Пистолеро“ постигна два мајсторски гола во манир на голем фудбалски мајстор, најпрво дриблајќи го противничкиот голман, а потоа го „поздрави“ и со „паненка“.
Двете минијатури кои ги изведе Уругваецот се само уште еден доказ за неговата класа како фудбалски голгетер, за што сведочат и бројките кои ги оствари во Бразил.
За неполна година како играч на Гремио, Суарез одигра 54 натпревари, успеа да постигне 29 гола и да запише 18 асистенции.
Последниот гол на Суарес во дресот на Гремио се случи на најпознатиот стадион на светот, „Маракана“ во Рио, а погодокот беше специјален. Суарес погоди од пенал и во стилот на Паненка, со поткопување на топката го измами голманот.
