Атлетико Мадрид од 38.минута играше со фудбалер помалку без Савиќ, па иако имаше водство од 3-1, на крајот освои само бод на домашен терен против Хетафе. Гостите стигнаа до бод со голот од пенал на Борха Мајорал во 93.минута од дуелот.

Стефан Савиќ беше исклучен поради два жолти картони, но Гризман донесе водство за Атлетико Мадрид во 44.минута. Борха Мајорал израмни на почетокот од вториот дел, а потоа Мората и Гризман се погрижија домаќинот да има два гола предност (3-1).

Но, и тоа не беше доволно. Хетафе намали преку Оскар Родригез, а Борха Мајорал од пенал во93 мин. донесе бод.

Севилја со Кике Санчез Флорес на кормилото одигра одличен натпревар на гости против Гранада и славеше со 0-3. Педроса, Окампос и Серхио Рамос беа стрелци за Севилја.