Болоња се избори за важен триумф против Аталанта во натпреварот од 17. коло во италијанската Серија А. Избраниците на тренерот Тиаго Мота уште еднаш одиграа квалитетен и цврст натпревар и на крајот заслужено дојдоа до нови три бода.
Аталанта беше подобар противник и ја имаше контролата врз дуелот во поголемиот дел од мечот, но не беше ефикасна во нападот, а тоа го казни Фергусон во 86. минута кога погоди за победа на Болоња.
Со оваа победа Болоња се искачи на четвртата позиција и сега има 31 бод, односно пет повеќе од Аталанта.
Торино го пречека Удинезе на домашен терен и ремизира 1-1 (0-0). Двата гола беа постигнати во второто полувреме, прво поведоа гостите со голот на Зарага во 77. минута. „Биковите“ не се предадоа и во самиот финиш се изборија за бод.
Автор на израмнувачкиот гол беше Иван Илиќ, кој беше прецизен во 88. минута. Торино е на десеттото место со 24 бодови, додека Удинезе останува на само две победи и има 14 бода на првенствената табела.
