Миовски по само 24 минути му асистираше на неговиот колега Џејми МекГрат за водство од 1-0, а потоа истиот фудбалер ја зголеми предноста во 30. минута.
Абердин доминираше и во второто полувреме, а Миовски во завршницата од натпреварот на одличен начин со левата нога го матира голманот на домаќините за конечни 3-0.
Миовски сезонава за екипата постигна девет голови и две асистенции, а Абердин се наоѓа на осмата позиција по 18 одиграни кола со 22 бода.
