Фудбалерите на Гранада ја победија екипата на Кадиз (2-0) во вечерашниот натпревар од 19. коло на шпанскиот шампионат одигран на домашен терен. Тоа беше првата победа за овој тим во Ла Лига по пауза од четири месеци.

Победничкиот тим за првпат сезонава ја сочува мрежата на еден натпревар, додека гостите не триумфираа ниту во осмиот врзан натпревар. Гранада поведе во 22. минута со голот на Мирто Узуни и тоа откако противникот беше поконкретен ривал. Кадиз тргна во офанзива и на стартот од второто полувреме, а клучен момент беше црвениот картон за Рубен Собрино, кој при еден напад непотребно и далеку од топката го удри Виљар. Конечниот резултат го постави Брајан Сарагоса во 70. минута.

Гранада сега е на 19. место со 11 бодови, додека Кадиз е на 17. позиција со четири бода повеќе.