Рома конечно триумфираше на Олимпико против Верона со 2-1 и ја прекина лошата серија од три кикса во италијанската Серија А. Со оваа победа Рома му овозможи триумфално деби на Даниеле де Роси на клупата на римската волчица.

Ромелу Лукаку и Лоренцо Пелегрини погодија за водство на „волчицата“ од 2-0 , но Верона имаше шанса да го намали резултатот во 64. минута, кога Ѓуриќ не искористи пенал.

Верона, сепак, во продолжение од второто полувреме постигна гол и намали на 1-2, а со тоа внесе неизвесност во завршницата.

Рома со оваа победа скокна до осмата позиција и има 32 бодови, додека Верона е на 18. место со 17 бода.

https://twitter.com/i/status/1748757577066856779

Ромелу Лукаку во 19.минута обезбеди предност за домаќинот, а шест минути подоцна Лоренцо Пелегрини зголеми на 2-0. Двоен асистент беше Стефан Ел Шарави.

Верона ја врати надежта со голот на Фолоруншо во 72.минута со маестрален гол од преку 40 метри, а осум минути подоцна Милан Ѓуриќ не успеа да реализира пенал и да изедначи.