Maкедонскиот фудбалски репрезентативец Дарко Чурлинов имаше позитивен кам-бек во редовите на германскиот Шалке 04.
Членот на Барнли, кој до крајот на сезоната ќе го носи дресот на гигантот од Гелзенкирхен, веднаш најави дека и во втората ера во тимот ќе има важна улога. На дуелот против Кајзерслаутерн само што влезе во игра – веднаш постигна гол и во 51. минута на својот тим му донесе израмнување.
Инаку, Чурлинов пред две години направи трансфер од Германија во Англија, но не се прослави во Барнли и затоа реши да се врати во Гелзенкирхен.
Сепак на крајот екипата на Кајзерслаутерн триумфираше со убедливи 4-1.
