Македонскиот репрезентативен напаѓач Бојан Миовски беше стрелец на Абердин во ремито (1-1) против шкотскиот гигант Селтик, а беше прогласен и за играч на натпреварот од „Скај Спортс“.

„Чувствував дека можам да му дадам гол на големиот Селтик. Тоа на полувреме им го кажав на соиграчите и среќен сум што успеав во тоа. Имавме шанси потоа и за победа, но може да бидеме задоволни со бод од пресметката со најдобриот тим во лигата. Ремито носи огромен мотив секако и за се што не очекува во продолжение во првенството“, изјави Миовски.

Македонскиот ас беше една од желбите на Селтик во овој зимски преоден рок, но на крајот остана во Абердин.

Миовски го одигра шестиот дуел против Селтик во кариерата и постигна втор погодок.