Солскјер го потроши кредитот, газдите на Јунајтед му врачиле отказ

Англискиот премиерлигаш Манчестер Јунајтед вечерва му даде отказ на менаџерот Оле Гунар Солскјер поради слабите резултати на тимот во изминатиот период. По дебаклот на „црвените ѓаволи“ од Вотфорд (4-1), раководството на клубот имаше итен состанок и одлучи да се раздели со норвешкиот стратег.

Во последните седум натпревари под водство на Солскјер, тимот на Манчестер Јунајтед забележа неверојатни пет порази, наспроти само една победа и едно реми. Во моментот „ѓаволите“ се наоѓаат на седмата позиција на табелата во Премиер – лигата со 17 бода, дури 12 помалку од лидерот Челси.

Како најсериозен кандидат за наследник на Солскјер се споменува францускиот стратег Зинедин Зидан, но во опција е и Брендан Роџерс, актуелниот менаџер на Лестер.