Екипата на Атлетико Мадрид оствари убедлива победа совладувајќи го Лас Палмас на „Ванда Метрополитано“ со 5-0. Тимот на Диего Симеоне покажа супериорност на овој дуел.

Првите два гола беа дело на Маркос Љоренте, а потоа исто така два погодоци постигна и Анхел Кореа. Последниот петти гол за Атлетико Мадрид го постигна Мемфис Депај ставајќи точка на победата.

По овој триумф, Атлетико Мадрид се искачи на третата позиција на табелата со 51 бод, исто толку има и Барселона, но и еден одигран натпревар помалку.

Интересно е што стратегот Симеоне во нападот започна со Љоренте и Кореа.

Маркос Љоренте кариерата ја почна како играч за врска, Чоло Симеоне го направи извонреден десен бек, а денеска играше како центарфор во системот на Аргентинецот.

Друштво му правеше Анхел Кореа кој е резерва веќе подолго време, но мора да се напомене дека експериментот на Чоло и тоа како вроди со плод.

Двајцата постигнаа по два гола за убедливо водство на Атлетико од 4:0, а на крајот Депај ги постави конечните 5:0 откако претходно доби шанса на местото на Љоренте.

Погодоците погледнете ги ТУКА.