Екипите на Караорман и Охрид се сретнаа во соседското дерби на 17. коло на Втората македонска фудбалска лига и одиграа натпревар кој заврши без голови, 0-0.

Натпреварот од „Езерското дерби“ се играше на теренот на Караорман во Струга. Тоа беше израмнет дуел во кој навивачите не видоа ниту еден гол.

По 17 одиграни меча Караорман е на претпоследната позиција на табелата со 15 освоени бодови, а тимот на Охрид е на деветтото место со 23 бодови.

Во следното коло Охрид на домашен терен ја пречекува прилепска Победа, додека Карароман оди на прилично тешко гостување кај Вардар Неготино.