Садек ал Салми фудбалски судија од Тунис беше физички нападнат на дуелот меѓу мароканскиот Спортиф де Беркане и египетскиот Ал Масри (1-0) во четвртфиналниот натпревар од Купот на африканските конфедерации во Рабат.

Во бурниот натпревар во кој судијата исклучи двајца играчи од египетскиот клуб, член на стручниот штаб на Ал Масри го удри судијата во лицето, пред да интервенира обезбедувањето.

Натпреварот се одигра во многу тензична ситуација, а Ал Масри ги обвини противниците дека симулираат повреди по пеналот кој го добија и реализираа во седмата минута.

Беркане се пласираше во полуфиналето на Купот на конфедерации, африкански еквивалент во Лигата на Европа, и покрај тоа што загуби во првиот натпревар (2-1) во Египет, благодарение на правилото за гол на гостински терен.