Екипата на Вашингтон Стејт синоќа го заврши основниот дел од сезоната во НЦАА, а со тоа, македонскиот репрезентативец Андреј Јакимовски веројатно ја заврши својата епизода и престојот во овој универзитет.

Вашинтон Стејт на домашен терен против Вашингтон загуби со 74:68, односно со ова го заврши овој дел на втората позиција во својата конференција.

Пред натпреварот Вашингтон Стејт ги испочитува своите сениори меѓу кои е и нашиот репрезентативец Андреј Јакимовски. Тој во присуство на неговото семејство доби благодарница од универзитетот за се што направи во изминативе години за популарните „кугарс“.

Новиот предизвик за Јакимовски и другарите е  настапот во Лас Вегас.

Инаку нашиот ас имаше проблеми со раката против Вашингтон и постигна само два поени со три скока.