(ВИДEO) Украина со пресврт до триумф над БиХ во Зеница

Со триминутен блицкриг Украинците стигнаа до победа, па Европското првенство останува само сон за БиХ.

Репрезентацијата на Босна и Херцеговина и натаму ќе го чека својот прв настап на европските првенства.

Иако беше многу блиску до пласман во финалето од квалификациите за пласман на континенталниот шампионат, БиХ вечерва загуби на домашен терен од Украина со 1-2. До 85. минута, селекцијата на БиХ имаше водство од 1-0, благодарение на автоголот на Матвиенко, а потоа, во период од само три минути Украина постигна два гола за пресврт и пресметка со Исланд.

Клучен момент беше влегувањето во игра на Јаремчук во 81. минута. Во 85. минута тој го израмни резултатот по првата сериозна акција на Украина, а потоа му асистираше на Довбик за комплетирање на пресвртот.

Останатите натпревари од квалификациите за Европското првенство поминаа без изненадувања. Полска, Грција и Велс остварија убедливи победи како домаќини, а Исланд го направи тоа како гостин, против Израел иако натпреварот се играше во Будимпешта.

Украина не покажа преголем квалитет, но искуството беше на нивната страна и на крајот успеа да слави огромен и важен триумф. Противник на Украина во финалето за пласман на Европското првенство ќе биде репрезентацијата на Исланд, која со пресврт славеше со огромни 1-4 на неутрален терен против селекцијата на Израел.

Полска беше убедлива против Естонија и славеше со 5-1. Франковски погоди во 22.минута, а пет минути подоцна Естонците останаа со играч помалку. Потоа стрелаа и Зиелински, Пјотровски и Шимански, а Метс си даде автогол. За Естонија стрелец беше Мартин Веткал.

Грција го победи Казахстан со 5-0. Бакасетас, Пелкас, Јоанидис и Курбелис погодија во првото полувреме, а потоа следеше и автогол на Марочкин во финишот од мечот.

На останатите полуфинални бараж-натпревари во истиот термин, Грција без никакви проблеми убедливо го совлада Казахстан со 5-0 и закажа финале со селекцијата на Грузија, Полска лесно ја преслуша Естонија со 5-1 и ќе се соочи во Велс, кој славеше со 4-1 над репрезентацијата на Финска.