Неверојатен е податокот дека „црно-белите“ водеа со 14 поени разлика во третата четвртина (52-38), а во последната влегоа со +13 (59-46). Олимпијакос го отвори последниот период со 12-0 и се доближи на само -1, а нешто подоцна го комплетира пресвртот. Во клучните моменти, на играчите на Партизан им се „пресекоа“ рацете, не можеа ништо да погодат и доживеаја пораз на дуелот го имаа речиси добиено и мораа да го добијат.
Минатата и на почетокот од оваа сезона, последните четвртини обично му припаѓаа на Партизан и тогаш го правеше пресвртот во своја корист, а сега, последните десет минути ги доби Олимпијакос со 28-10.
Грчкиот шампион и идната недела ќе гостува во Белград, но кај Црвена Звезда и со победа на тој меч може да го завери пласманот во плејофот. Партизан и натаму не е без шанси за плејин бидејќи заостанува само една победа зад десеттопласираниот Анадолу Ефес, но сега повеќе ништо не зависи од него, дури и да ги победи Алба и Валенсија во последните две кола.
