Фудбалерите на Нант и Лион одиграа трилер-натпревар кој на крајот им припадна на гостинските со 1-3 (1-0).
Матис Аблин донесе водство за домаќините, уште во шеснаесеттата минута. „Лавовите“ делуваа помалку изненадено и не успеаја да се вратат во пред паузата. Нант водеше со 1-0 и замина на одмор со позитивен резултат.
Домаќините беа солидни и во второто полувреме и во првите петнаесетина минути делуваа дека можат да го задржат водството. Лион само еднаш шутираше во рамките од голот во периодот до 65. минута, но потоа заигра како во старите времиња и успеа да режира неверојатен пресврт за само две минути. Актери на пресвртот беа Александер Лаказет и Малик Фофана.
Домашните фанови беа во неверување, Нант се обиде веднаш да возврати, но пропушти изгледна прилика во 80. минута. До крајот гостите успеаја комплетно да го „демонтираат“ противникот и заслужено остварија победа со 1-3, а стрелец беше Гифт Орбан кој стави точка на победата во 98. минута.
Овој триумф ги зацврстува „Лавовите“ на 10. позиција со 38 бода, додека Нант со 28 бода е на првото место над опасната зона.
