Астон вила триумфираше на „Емирати“, а Емери стана најголемиот кошмар за Арсенал! Лондонсли Арсенал денеска беше шокиран на од Астон вила со 0-2 во 33. коло од англиската Премиерлига, и со тоа му ја препушти пол-позицијата на Манчестер сити во трката за титулата.

Откако претходно киксираше и Ливерпул, сега истото му се случи и на Арсенал кој целосно се распадна во финишот од дуелот во Лондон, кога Бејли и Воткинс погодија за триумф од 2-0.

Поранешниот тренер на „топчиите“, Унај Емери по вторпат оваа сезона го пронајде лекот за неговиот бивш клуб, откако и во првиот меч славеше со 1-0 во Бирмингем.

Манчестер сити останува лидер со 73 бодови, додека Арсенал и Ливерпул имаат по 71, а Астон вила е на четвртата позиција со 63 бода.

Не дека е Астон Вила слаб тим, напротив, но се чини дека никој не очекуваше пораз на Арсенал денеска пред своите гледачи. Сепак, откако „топчиите“ не успеаја да искористат неколку шанси во првиот дел, дојде казната во второто полувреме.