Екипата на Селта од Виго ја потопи „жолтата подморница“ и избега од опасната зона!

Фудбалерите на Вилјареал загубија на гостувањето кај Селта со 2-3 во 34. коло од шпанската Ла Лига и си ја искомплицираа битката за позициите кои водат во европските купови.

Морено донесе водство за „жолтата подморница“ во 12. минута, но потоа Вилјареал доби црвен картон по што почна распадот на системот.

Аспас и Ларсен во првите 45 минути беа стрелци за целосен пресврт (2-1), а потоа Гуедеш израмни на 2-2 во 65. минута.

Во драматична завршница Вилјареал доживеа нов шок, откако Селта го постигна победничкиот гол во 82. минута (3-2).

Вилјареал е на деветтата позиција со 45 бодови, додека Селта е на 15. место со 34 бода, односно осум бодови повеќе од Кадиз.