Новиот германски шампион Баер Леверкузен продолжува со модлични игри и резултати во Бундес-лигата. Тимот на Чаби Алонсо оствари уште еден убедлив триумф совладувајќи го Бохум на гости со 0-5. Домаќинот по само 15 минути остана со фудбалер помалку поради исклучувањето на Феликс Паслак, а тоа „фармацевтите“ знаеја и тоа како да го искористат.

Патрик Шик во 41.минута донесе предност, а ја удвои Виктор Бонифејс од пенал непосредно пред одморот.

Во вториот дел, погодија и Амин Адли, Јосип Станишиќ и Алекс Грималдо за убедливи 0-5 и за подобрување на неверојатниот рекорд – 50 натпревари без пораз во низа.