Арсенал  го совлада шампионот Манчестер Сити на пенали (4-1) и го освои „Комјунити Шилд“. Тимот на Микел Артета беше во негатива, но успеа да израмни во судиското продолжение, во 101.минута со голот на Леандро Тросар, кој шутираше кон голот на Сити, топката го погоди Аканџи и го промени правецот во небранетиот дел. Потоа на пенали Арсенал беше многу поуспешен од „граѓаните”.

Манчестер Сити поведе во 77.минута со прекрасниот гол на тинејџерот Кол Палмер кој со прекрасен удар од работ на казнениот простор ја затресе мрежата на Рамсдејл. Сепак, составот на Пеп Гвардиола не успеа да издржи и да го сочува водството.

Каи Хаверц ја имаше првата голема шанса на натпреварот, но неговиот удар го одбрани голманот Стефан Ортега, додека „граѓаните“ се заканија три пати кон голот на противникот, но ниту еден шут не беше во рамки на голот.

„Граѓаните“ се заканија уште двапати во продолжение на натпреварот преку Родри и Фоден, но Рамсдејл беше на висина на задачата.

„Топчиите“ реализираа дури четири пенали, додека Де Брајне и Родри промашија за „граѓаните“ и така Арсенал го освои првиот пехар оваа сезона.