Додека во американската НБА лига во последните години доминираат странците, така и во Евролигата продолжува доминацијата на кошаркарите кои не се од Европа, за што потврда е изборот на најдобрите за оваа сезона.

Во најдобрата петорка се најдоа четворица Американци и тоа Мајк Џејмс (Монако), Кендрик Нан (ПАО), Најџел Хејс-Дејвис (Фенербахче) и Матијас Лесор (ПАО), како и Факундо Кампацо од Реал Мадрид.

Единствен кој доаѓа од тим што не игра на завршниот турнир е Џејмс, кој е фаворит и за МВП признанието на сезоната, а чиј Монако остана без пласман меѓу најдобрите четири. Во битка за титулата на завршницата во Берлин ќе се најдат Реал Мадрид, Фенербахче, Панатинаикос и Олимпијакос.