Екипата на Торино успеа да го победи Милан со 3-1 и ја продолжи трката за излез во Европа. „Биковите“ фуриозно го започнаа мечот и постигнаа два гола за водство по првиот дел.

Резултатот го отвори Дуван Запата со гол во 26.минута, а потоа стрелец беше и Иван Илиќ во 40.минута.

Рикардо Родригез во 46.минута постигна трет гол и беше јасно дека Торино ќе слави триумф. Милан успеа да стигне само до почесен погодок преку Исмаел Бенасер од пенал во 55.минута.

Во последното коло Торино ќе игра со Аталанта, додека Милан ја затвора сезоната со Салернитана.

Со головите на Де Кателаре и Скамака, Аталанта триумфираше на гости кај Лече со 0-2 и го осигура пласманот во Лигата на шампионите следната сезона.