Големите португалски ривали, Спортинг и Порто одиграа неверојатен фудбалски натпревар во португалскиот Суперкуп, а тимот од Лисабон прокоцка неверојатна предност од три гола.

Натпреварот почна како од соништата за Спортинг, со голови на Инасио и Гонсалвеш по неполни 10 минути веќе имаа предност од 2-0.

Во 24. минута Куенда постигна гол и зголеми на 3-0. Во тие моменти се чинеше дека на Порто му се подготвува дебакл.

Но, сино-белите се разбудија, во 28. минута Галено даде гол за 3-1. Со тој резултат се замина на одморот.

Во 64. минута Нико намали на 3-2, а само две минути подоцна Галено со својот втор гол на мечот изедначи на 3-3.

Тоа беше резултатот по 90 минути игра, мечот отиде во две продолженија од по 15 минути.

Во 101. минута Иван Хаиме даде гол за победа на Порто од 4-3.

Порто со освоената титула го подобри рекордот во Суперкупот на 24 титули и се врати на тронот за првпат по 2022 година.