Фудбалската репрезентација на Шпанија ја потврди својата супериорност по освојувањето на Европското првенство со победа и на фудбалскиот турнир на Олимписките игри во Париз. Во драматичното финале, Шпанците триумфираа против домашната селекција на Франција со 5-3 после продолженија.

Серхио Камељо го постигна победничкиот гол за Шпанија во 100. минута од финалето, а потоа постигна и уште еден во последните мигови од дуелот.

Натпреварот за златото беше исклучително возбудлив. Французите го отворија резултатот со голот на Енцо Милот во 11. минута, но Шпанија одговори силно, направи блиц-криг постигнувајќи три гола и тоа за десет минути до крајот на првото полувреме.

Фермин Лопез постигна два гола, во 18. и 25. минута, носејќи пресврт за Шпанија, а Алекс Баена во 28. минута го зголеми водството на 1-3.

И покрај тоа, Франција не се откажа. Во второто полувреме, Мањес Аклиуше во 79. минута ја врати надежта, а Жан-Филип Матета израмни од пенал во 93. минута.

Финалето влезе во продолженија, каде Шпанија успеа да оствари голема победа.