Интер Мајами водеше со 2-0, па доживеа вистински потоп за 13 минути. Интер и понатаму не може да смета на својот најдобар играч Лионел Меси кој е повреден, а тоа дефинитивно е голем проблем а потврда е поразот и елиминацијата која клубот ја доживеа во Лига Купот.Тимот од Флорида водеше со 2-0 во пресметката со Колумбус Кру, меѓутоа потоа на гостите им се случи потоп и тоа од 67 до 80 минута.
Домаќините преку Рамирез и Роси (2) дадоа три гола, направија целосен пресврт и потоа ја одбранија предноста за пласман во четвртфиналето на натпреварувањето.

Интер Мајами беше бранител на трофејот, па ова дефинитивно е удар за овој клуб кој сега ќе мора да се фокусира на другите предизвици, но и да донесе успеси како и што се очекува од ѕвездениот состав.