Македонија со пораз од Унгарија (71-80) го заврши настапот на Европското првенство во „Б“ дивизијата кое се играше во Скопје.

Македонските млади кошаркари во последниот натпревар од разигрувањето констатно беа во негатива и никако не успеаа да ја преземат контролата над натпреварот.

Најблиску до пресврт нашите кошаркари беа во последниот период кога се доближивме на три негатива (67-70), но повеќе од тоа не можевме. Унгарците до крајот одново влегоа во серија и го приведоа натпреварот кон крајот.

Во нашите редови најефикасен беше Ѓорѓи Цветковски со 24 постигнати поени, а го следеше Григориј Ѓорѓевиќ со 14. За Унгарија Зетени Курфис постигна 30 поени.

Првенството избраниците на селекторот Јованчев го завршуваат на десеттата позиција.