Ханси Флик ги воодушеви навивачите на Барса со филозофијата и пристапот кој го применува во Барселона, но уште повеќе ги освои фановите со вчерашниот потег по дуелот со Валјадолид.
Каталонскиот гигант го прегази аутсајдерот и славеше со неверојатни 7:0 на „Монжуик“, фудбалска забава во која Ханси Флик им даде шанса и на играчи како Серхи Домингез и Пабло Торе.
На тој начин, германскиот тренер им овозможи деби на сите играчи кои ги има на располагање во овој момент, освен на Хектор Форт кој вчера доби и објаснување и извинување по крајот на средбата.
Симпатичниот момент се случи по последниот судиски свиреж, кога Ханси Флик наместо да слави, го прегрна младиот дефанзивец и му се извини што не го ставил во игра.
https://twitter.com/i/status/1830200329012461791Форт се загреваше во второто полувреме и очекуваше шанса од клупата, но на крајот не дочека такво нешто и ќе мора да почека за нова шанса.
Со исклучок на голманите, тој е единствениот играч кој не добил шанса за игра од оние кои се на располагање, што доволно говори дека Ханси Флик знае добро да менаџира и во ситуација кога му недостасуваат доста првотимци.
