Големото европско дерби меѓу Холандија и Германија во Лигата на нации донесе атрактивен и напаѓачки фудбал, постигнати се четири гола и уште најмалку толку шанси за голови.

Натпреварот на крајот заврши 2:2 и двете селекции поделија по еден бод во второто коло во Лигата на нации, што всушност беше и најреален епилог од понуденото во Амстердам.
Рејндерс го отвори резултатот во 2-та минута и донесе возбуда на трибините на „Јохан Кројф арена“, но атмосферата значително се расипа кога Матијс Де Лихт направи голема грешка во 38-та минута.

Новиот стопер на Јунајтед ја предаде топката на противникот и Германија успеа да израмни преку Ундав, а потоа да постигне и втор гол преку Кимих за 1:2. Во вториот дел, Холандија исто така беше ефикасна на стартот и преку Думфрис израмни на 2:2, а ова се покажа како последен гол на оваа средба.

Англија забележа нова победа во Лигата на нации, а во главна улога беше славеникот Хари Кејн, кој со два гола (2-0) го заокружи 100. јубилеен настап во националниот дрес.

Тој е само десетти англиски фудбалер со вакво достигнување, а головите за триумф на Англичаните на овој меч ги постигна во 57. и во 76.минута.

Унгарија и БиХ одиграа меч без голови, а Грузија ја победи Албанија на гости со 0-1. Чешка беше подобра од Украина и славеше со 3-2.

Головите од мечот во Амстердам погледнете ги ТУКА

Погодоците на Кејн погледнете ги ТУКА