Филип Кузмановски беше најрасположен играч на Пелистер на синоќешниот дуел против францускиот гигант ПСЖ и постигна осум гола во дуелот со големиот фаворит.

Дел од тие голови беа навистина атрактивни, пред се оној во финишот од мечот кога со бомба од девет метри буквално го проби противничкиот голман и низ неговите раце ја затресе мрежата.

Македонскиот шампион Еурофарм Пелистер со пораз ја отвори новата сезона во Лигата на шампионите, но во Париз го намачи моќниот тим на ПСЖ.

Французите на крај славеа со минимални 31-29, откако во финишот беа посмирени од ракометарите на Бранислав Ангеловски. Одлична партија во Париз покажа капитенот Филип Кузмановски, беше вистински лидер на „зелено-белите“, а покрај тоа зад неговото име се најде и најдобриот потег на натпреварот – „бомбата“ од место во самиот финиш, кога Пелистер се доближи на само еден гол до противникот.

Кузмановски со осум гола беше најпрецизен во таборот на пелистерци, а по шест погодоции запишаа Цехте и Пешевски.