Екипата на Барселона ќе може веднаш да смета на Војќех Шчесни во натпреварите од ЛШ ако дојде до негов ангажман, пренесува „Марка“. Триесет и четиригодишниот Полјак е пред враќање во фудбалот откако на крајот на август донесе одлука да ја заврши својата кариера.
Шчесни е на пат кон Барселона за да го комплетира трансферот.
Според шпанските медиуми, тој за да го потпише договорот со Барселона требало да добие ветување од клубот дека ќе биде прв голман на тимот.
Сериозната повреда на Марк-Андре тер Штеген сепак го натера каталонскиот гигант да се сврти кон него бидејќи моментно може да ангажира само слободни агенти.
За настапот во Лигата на шампионите, Барселона има регистрирано четворица голмани, но само двајца од нив се на таканаречениот „А“ список – Тер Штеген и Ињаки Пења.
Се очекува Тер Штеген да закрепнува најмалку осум месеци. Според „Спорт“, Шчесни ќе ги помине медицинските тестови во понеделник и ќе потпише договор до крајот на сезоната.
Другите двајца се младинците Андер Астралага и Диего Кочен, кои се на „Б“ списокот.
Правилата на УЕФА предвидуваат дека еден клуб може веднаш да го замени голманот од „А“ списокот ако не може да смета на него поради повреда.
Барселона веќе одигра еден натпревар во Лигата на шампионите и загуби на гости против Монако со 1-2, а следниот натпревар го игра на 1 октомври против Јанг бојс.
