Најдобрата македонска тенисерка Лина Ѓорческа загуби со 2-1 од Србинката Лола Радивојевиќ во полуфиналето од фјучрс В75 турнирот во Куршумлијска Бања, Србија.

Пресметката траеше нешто повеќе од два часа, почна со голема борба за првиот сет кој го доби Србинката во тајбрејк со 7-2.

Ѓорческа успеа да се врати, го доби вториот сет со 6-3 и изедначи на 1-1. Но, македонската тенисерка беше тотално немоќна во третиот решавачки сет, го загуби без освоен гем, беше 6-0 за Радивојевиќ која се пласира во финале.