Светскиот рекет број еден Новак Ѓоковиќ го доживеа еден од најтешките порази во кариерата откако загуби од Италијанецот Лука Нарди и не се пласира во осминафиналето од Индијан Велс.
Аутсајдерот од Италија кој на главниот турнир влезе како „лаки лузер“ го шокираше Новак Ѓоковиќ, српскиот тенисер беше број 1 носител на во Индијан Велс, но премногу рано го заврши настапот.
Италијанскиот тенисер Лука Нарди кој е на 123. место во светот, одлично го почна мечот, го доби првиот сет со 6-4. Новак возврати во вториот земајќи го со 6-3.
Се чинеше дека Ѓоковиќ се врати и никој не помислуваше дека може да биде елиминиран, но се случи токму тоа. Третиот решавачки сет го доби Нарди со 6-3 и победи со 2-1 во сетови за пласман во осминафинале.
