Екипата на Ал Наср со 2-1 го победи Ал-Рајан од Катар во второто коло од Лигата на шампиони во Азија, а вториот гол за Саудијците го постигна Кристијано Роналдо.

Роналдо постигна гол во 76. минута кога погоди по асистенција од Гариб.

Роналдо постигна мајсторски гол со својата послаба лева нога и го зголеми водството над Ал Рајан (2:0), па потоа ја промени својата карактеристична „Сиуууу“ прослава.

Причина за тоа е роденденот на неговиот починат татко, кој ако денеска беше жив ќе наполнеше 71 година.

Кристијано со многу емоции погледна кон небото и погодокот му го посвети на својот татко, кој за жал прерано го напушти овој свет уште пред две децении.