Јамал е најдобар фудбалер во Примера за месец септември

Фудбалерите на Барселона ги собираат признанијата во Ла Лига. Овојпат крилниот напаѓач на Барселона, тинејџерот Ламин Јамал, е прогласен за најдобар фудбалер во шпанската Ла Лига за месец септември.

Јамал во септември, на четири натпревари во Ла Лига, постигна три гола – два против Жирона и еден против Осасуна, a имаше и една асистенција на натпреварот против Виљареал.

Барселона е лидер на табелата со 21 бод од осум кола. Реал Мадрид има 18 бода, Виљареал 17, а Атлетико Мадрид е на четвртата позиција 16 бода.

Јамал досега во сезоната има ефект од пет голови и пет асистенции.

Наградата за месец август ја доби Рафиња, уште еден ас од Барселона.