Eкипата на Јувентус го прими првиот гол сезонава во Серија А и одигра нерешено (1-1) во денешниот натпревар од Серија А.

Головите на двете страни беа постигнати на идентичен начин од пенал. Јувентус прв дојде до предност во 15. минута кога сигурен реализатор на најстрогата казна беше Душан Влаховиќ.

Во најголем дел од натпреварот Јувентус доминираше и создаде повеќе прилики, а кога не ги искористи стигна казната.

Идентично како и во првото полувреме пред крајот во 88. минута по прегледување на ВАР, Маринели покажа на белата точка од каде Марин го совлада Ди Грегорио.

До крајот „старата дама“ остана и со играч помалку откако Консесисао заработи втор жолт картон. По ова реми Јувентус е на третата позиција во Серија А со 13 бода колку што има и Удинезе, Наполи е лидер со 16, а втор Интер со 14.